Small Business Ko Grow Karane Ke Liye 10 Important Tips

Hello dosto, Agar aap koi business karte hai ya fir future me karna chahte hai to yah article aapke bade kam ka hai.Isme mai aaj apko business ke liye 10 important tips bataunga jisse aap apne business ko asani se grow kar sakte hai.

Yah sabhi tips aap logo me se kai logo ko pta ho sakta hai lekin ise har insan ajmata nahi hai lekin mai apko kah raha hu ye sabhi 10 tips bahut jada effective hai.Maine khud ise apne bhai ke chhote se business me ise test kiya hai.

To mai aapka jada samay na lete hua iss tips ke bare me puri jankari deta hu,Mai chahta hu ki aap ise dhyan se padhe aur achha lage to apne business me jarur apply kare.

10 Important Tips For Business

 

10 Important Tips For Business

1.Batkarne ka tarika –

Jab aap mese koi bhi kisi bhi shop me kuchh bhi kharidne jata hai to ham sabse pahle uss shop wale se bat karte hai aur agar wo achhe se bat karta hai to ham na chahte hua bhi aur bhi saman kharid lete hai.

Mera kahne ka matlab ye hai ki duniya me har insan pyar ka bhukha hai aur aap koi shop chalate hai to apne costomers se achha bartav kare bhale hi wo aap se ghusse me hi kyu na baat kare.Esaa karne se wo kuchh kharide ya na kharide lekin aagli bar wo aapke shop me jarur ayega ye meri guarantee hai.Aur dusro ko bhi aapke shop ke bare me batayega.

Mai janta hu ki aap me se bahut logo ko yah bat pahle se pta hoga lekin fir bhi ham bartav ko lekar galti kar dete hai aur costomer kharab kar dete hai.

2.Sajawat –

Sajawat ka matlab ye nahi hai ki aap shop ko ghar ki tarah sajaye iska matlab ye hai ki apne samano ka khula pardarshan kare.Maine bahut se logo ko dekha hai jo apne samano ka dikhava nhi karte bas bade-bade shabdo me samano ka naam likh dete hai.

Mai aapko yah kyu kah rha hu iske pichhe ka science samajh lete hai,Agar aap apne shop ka saman bahar rakhe hai jise log asani se dekh sakte hai to mai agar raste se ja raha hu to mai uss saman ko jarur dekhunga lekin mujhe wo saman fil hal nahi chahiye lekin ek week ke bad mujhe wo saman ki jarurat padti hai to mere dimak me sabse pahle uss shop me rakhi uss saman ka photo chhapega aur mai ussi dukan me kharidari karne jaunga.

Yadi kisi ko koi saman chahiye aur wo uske liye shop khoj raha hai to wah likhe hua shabdo ko kam aur rakhe hua saman ko dekhega aur jiske shop me yah hai waha wo chale jayega.

To aaplog sajawat (saman ka dikhava) karte hai to iske pichhe ka science jan kar apko bahut achha laga hoga.Agar nahi karte hai to jaldi kare.

3.धैर्य –

Duniya me kisi bhi kaam ko agar धैर्य rakh kar kiya jaye to hamesha safalta milti hai.To aap ise apne business me bhi apply kare.

Mai ek bookdepo wale ko janta hu jiska धैर्य dekhkar mujhe bahut sikhne ko mila.wo apne costomer se bor nahi hota bhale hi wo usse kuchh kharide ya nahi lekin wah apne costomer ke hisab se kaam karta hai har prakar ka book wo dikhata hai,aur pura धैर्य rakhta hai aur last me costomer waha se muskurate hua hi jata hai.To aap bhi ise apply kare aur apne costomer se bor na ho balki use enjoy kare.

 

4.Contact Banaye –

Aap jo bhi business kare usse related logo ke sath contact banaye isse aapke business ko grow hone me help milega. Jaise maan lete hai ki mai Building construction material ka business karta hu to mai yaha par isse related logo se contact banaunga jaise thekedar (Ghar banane wala), Isse mujhe yah help milega ki wo mere liye costomer layega jiske badle me mai use kuchh commission de dunga.

Isi prakar aapko apne business ke hisab se contact banana hai jisme dono ka fayda ho.

 

5.Nai Soch –

Yadi aap koi business chalu kar rhe hai ya fir pahle se business kar rahe hai to isme kuchh nai soch ke sath aye.Mera kahne ka matlab ye hai ki kuchh creative kariye, Jaise Discount offer, Ek ke sath ek free, free wifi, hotel hai to free me khane ka test karne de wagerh wagerh.

6.Zid-

Kisi bhi kaam ko karne ke liye zidd bahut jaruri chij hai.Business me agar koi chij bechni hai to bechni hi hai esi zidd banaiye. Yadi apke pass koi saman nahi hai aur koi costomer use kharidne aya hai to aap kahi se bhi wo saman laye aur uss costomer ko beche bhale hi isme aap ko thoda hi profit kyu na ho costomer khali hath nahi jana chahiye,isse sabse bada fayda ye  hoga ki aap ka costomer khush ho ke jayega aur wo regular costomer ban jayega(matlab agli bar jarur ayega).

7.Competition –

Agar business me safal hona hai to competition bahut jaruri hai, Aap jo bhi business kar rahe ho sabse pahle aap apne liye ek competitor (safal business man) khoje aur apne dimak me ya soch le ki mai ek din iss business man se aage nikalunga.Fir lag jaiye apne hard work me.

8.Time Management Aur Khud Ke Rules –

Sabse pahle khud ke liye rules banaye jaise mujhe apna shop kb open karna hai aur kab close karna hai jisse apke costomer ko apke timing ka andaja ho jaye.Iske sath sath apne sabhi work ke liye time divide kijiye jaise hisab kitab karna,khariddari karna wagerh.

 

9.Condition Ko Samjho-

Iska matlab ye hai ki aap ka business jaha par hai uss area ko samjho matlab mera business gaon(गाँव) me hai to mai waha ke hisab se business karunga aur saman rakhunga jaise agar mera kapde ka business hai aur wah gaon me hai to mai agar waha branded mahange kapde bechunga to koi nahi lega.To apne area ke condition ko samjho.

Aur ek baat area ke demand ko samjho ki waha kis prakarar ke chijo ka mang hai,ek bar thode research karna bahut jaruri hai.

10.Sab Ko Saman Respect-

Aap kitne bhi bade business man kyu na ho har costomer ko saman respect de,wo garib ho ya amir,chote ho ya bujurg sab ko barabar samjhe aur unka respect kare achhe se baat kare.

 

Ab last me ek akhari baat “Kaam wahi karo jisme bharosa ho aur ,jo kaam kar rahe ho usme bharosa rakho” by Dr. APJ Abdul Kalam.

“Business,Business नहीं एक मनोविज्ञान है.” by Rojgarhelper.

 

To dosto yah post aap ko kaise laga niche comment me jarur bataye aur koi doubt to niche jarur likhe thank your.

 

Add a Comment

Your email address will not be published. Required fields are marked *